Email not displaying correctly? View it in your browser.
PIPAR\TBWA\FIMMTUDAGUR
#24 – 02.02.12

Fréttir og fróðleiksmolar
um markaðsmál
og auglýsingar

PIPAR\TBWA
Tryggvagötu 17
101 Reykjavík
Sími 510 9000

 

 
Ný verkefni PIPARS\TBWA

Pantaðu fund

Pantaðu fund með samfélagsdeildinni
Nú er hægt að panta fund með ráðgjöfum samfélagsdeildarinnar á Facebook. Það kostar ekki neitt og þú færð að vita nánast allt um Facebook, Twitter, YouTube og fleiri samfélagsvefi.

http://on.fb.me/zLThcV



Hjartsláttur 
Með „dæluna“ á réttum stað
Hinn harðduglegi starfsmaður ÓB-stöðvanna, Óttar Bender, heldur áfram að gera góða hluti fyrir ÓB. Hann er búinn að ganga frá samningi um afslátt fyrir ÓB-lykilhafa á Olís-stöðvum og er með fullt af spennandi hlutum í farvatninu, sínu fólki til hagsbóta.

http://youtu.be/NRTKKZwYAkE



Góa
 

Prinsleikur Góu
Á sama tíma og Sinalco kom í verslanir hér á landi eftir langa bið, hófst Prinsleikur Góu. Leikurinn gengur út á að safna saman umbúðum af Prins-súkkulaði, alls 5 stk. og senda svo til Góu. Aðalvinningur er flug fyrir tvo til Evrópu með Iceland Express og frá 15. febrúar geta þátttakendur daglega unnið vel útilátinn nammipakka frá Góu. Aðalvinningurinn verður dreginn út 15. mars, en nöfn vinningshafa verða birt á Facebook-síðu Góu.

http://www.facebook.com/goa.is


HHÍ – á bakvið tjöldin

 

Á bak við tjöldin
Milljónavelta Happdrættis háskólans er farin aftur af stað, en vinningurinn gekk tvisvar út á síðasta ári, í 30 milljónum og 90 milljónum. Auglýsingarnar með Halldóri Gylfasyni hafa líklega flestir séð, en hér er skemmtilegt myndband sem sýnir muninn á upptökunum og endanlegri útgáfu.

http://bit.ly/wI8ZHs


Gömul og góð frá starfsfólki

Morgunblaðið

Morgunblaðið kjarni málsins
Okkar eini sanni Tryggvi Tryggvason skrifaði, ásamt Birgi Ingólfssyni, handrit að auglýsingu fyrir Morgunblaðið í byrjun tíunda áratugarins. Starfsfólk Moggans lék í auglýsingunni sem var framleidd af Frost Film. Auglýsingin vakti mikla athygli á sínum tíma og vann til verðlauna erlendis.

http://kvikmynd.is/mynd/?v=1783

Super Bowl 2012!

Super Bowl er á sunnudaginn. Sannkölluð auglýsingahátíð með amerískum fótbolta inn á milli. Á mánudaginn munu áhorfendur ræða tvennt, úrslit leiksins og auglýsingarnar í einna dýrustu auglýsingatímum heims. Auglýsingatímarnir voru seldir upp í október sl. og auglýsendur hafa til mikils að vinna. Áhorfendur eru að meðaltali 90 milljónir í Bandaríkjunum einum. Leikurinn verður sendur út á sjónvarpsstöðvum um allan heim og nú verður í fyrsta sinn lögleg bein útsending á netinu í gegnum www.nbc.com.

Góða helgi,
starfsfólk PIPARS\TBWA




Crash the Super Bowl

Doritos Crash the Super Bowl

Síðastliðin ár hefur Doritos efnt til auglýsingasamkeppni sem kallast Crash the Super Bowl. Keppnin fer þannig fram að opið er fyrir innsendingar í október og nóvember og eftir að dómnefnd hefur valið fimm auglýsingar í úrslitakeppni er kosning á netinu. Kosning ársins fór fram í janúar. Sigurvegararnir í ár fá tækifæri til að vinna með kvikmyndagerðarteyminu The Lonely Island sem hefur m.a. unnið við sjónvarpsþáttinn Saturday Night Live.

http://www.crashthesuperbowl.com



Check-out

Pepsi Max Check-out

Pepsi Max skýtur á helsta keppinaut sinn, Coke Zero, í Super Bowl auglýsingu þessa árs. Í auglýsingunni sést hvað gerist þegar menn vilja kaupa sér svalandi drykk með eins litlu tilstandi og mögulegt er. Bílstjóri Coke Zero-bílsins er einn þeirra sem þurfa að láta lítið fyrir sér fara en í þessari verslun er það ekki hægt. Sérstaklega ekki þegar starfsmaður mánaðarins stendur við afgreiðslukassann og sjónvarpsþáttastjórnandinn Regis Philbin er á svæðinu.

http://www.youtube.com/watch?v=FKe6nyORbrM



Transactions

Acura Transactions

Regis Philbin er ekki eina sjónvarpsstjarnan í Super Bowl auglýsingum ársins. Í auglýsingum Acura er Jerry Seinfeld sem hann sjálfur í aðalhlutverki. Þar komumst við að því að Acura NSX er bíll sem fólk hreinlega verður að eignast. Þráin er svo mikil að Seinfeld leggur nánast allt í sölurnar til að verða fyrstur á biðlista eftir bílnum. Fyrir aðdáendur Seinfelds er sennilega nóg að sjá þráhyggju persónunnar bregða fyrir en fyrir Acura er það ekki nóg því undir lokin birtist spjallþáttakóngurinn Jay Leno.

http://www.youtube.com/watch?v=WUFSHzT2xuY



SAMFÉLAGSFRÉTTIR

Coke Polar Bowl

Ísbirnir á Facebook

Coca Cola ísbirnirnir ætla að horfa á leikinn á Norðurpólnum. Þeir verða skráðir inn á Facebook á meðan og þar verður hægt að spjalla við þá beint og fylgjast með þeim fagna og drekka kók. Öllum er boðið í Super Bowl-partíið, meira að segja mörgæsum á villigötum.

Ísbirnirnir á Facebook: http://apps.facebook.com/cokepolarbowl/



Barack Obama á Google+

Forseti Bandaríkjanna á Google+

Mánudaginn 30. janúar bauð Barack Obama Bandaríkjamönnum að hanga með sér á Google+ í gegnum myndspjallið, „Hangout“. Það var í fyrsta sinn sem bandarískur forseti spjallaði beint við borgarana á netinu en þátttakendur gátu spurt um hvaðeina sem viðkom stefnuræðu forsetans og stöðu landsins.

Barack Obama spjallar við Bandaríkin:
http://www.youtube.com/watch?v=eeTj5qMGTAI

Meira um viðtölin:
http://www.whitehouse.gov/blog/2012/01/30/president-obama-hangs-out-america
Hvers vegna er fimmtudagur besti dagur vikunnar? Hann er þægilega nálægur helginni og nógu fjarlægur mánudegi.
 







Sent to <<Netfang>> — why did I get this?
unsubscribe from this list | update subscription preferences
PIPAR\TBWA · Tryggvagata 17 · Reykjavik 101