Farsælt samstarf Lexus og stórleikararans Jóhannesar Hauks hófst fyrir allmörgum árum, þegar hann varð útvarpsrödd Lexus. Árið 2022 framleiddum við svo dágóðan pakka af ímyndarauglýsingum fyrir sjónvarp með honum í aðalhlutverki, ásamt glæsilegum Lexusbílum. Og nú, fjórum árum síðar, var kominn tími á nýtt efni. Mótleikari hans að þessu sinni er splunkunýr, alrafmagnaður Lexus RZ. Líkt og áður er Jóhannes á japönskum nótum í sumum handritanna, enda má segja að gildi vörumerkisins séu með djúpar rætur í japanskri heimspeki, hefðum og handverki. En hann á einnig við okkur nokkur skemmtileg trúnaðarsamtöl um sína eigin list, leiklistina.
Hugmynda- og handritsvinna var í okkar höndum en Magg ehf. framleiddi; Ari Magg leikstýrði og ljósmyndaði, Ásgrímur Guðbjartsson var á tökuvélinni, Auður Karitas sá um búninga og Helena Jónsdóttir um hár og smink, auk þess sem Ásta Hafþórs lagði til aðstoð við gervi í einni senu. Þá sérsmíðaði leikmyndafyrirtækið Irma sömuleiðis glæsilega, „japanska“ leikmynd fyrir tvær senur. Úlfur Teitur Traustason klippti en Pipar og Trickshot sáu um eftirvinnslu. Tónlistina á sem fyrr, Úlfur Eldjárn, og Jói B. hjá Audiolandi sá um hljóðsetningu.
