Vegfarendur á leið til vinnu, skóla og annarra verka að morgni miðvikudagsins 6. nóvember tóku eftir „brotnum“ ljósaskiltum og strætóskýlum borgarinnar. Þessi viðburður var hluti af herferð sem við unnum með Samgöngustofu og Sjóvá og ber nafnið EKKI TAKA SKJÁHÆTTUNA. Framtakið miðar að því að minnka notkun snjallsíma í umferðinni og er samvinnuverkefni framkvæmdaaðilanna og eftirfarandi fyrirtækja sem lögðu til auglýsingar sínar til „eyðileggingar“: Domino‘s, Done, Elko, Fjallakofinn, Garðheimar, Góa, Hljóðlausnir, Lavashow, Lestrarbókin, Síminn og Stólpi Gámar.

Að auki framleiddum við almennari auglýsingar byggðar á sama efni fyrir aðra miðla. Sveinn Speight tók myndirnar og Úlfur Eldjárn samdi tónlistina.

TIL BAKA