Ekki taka skjáhættuna

Skjáhættuverkefni Sjóvá og Samgöngustofu hóf göngu sína fyrir 2 árum síðan og stuðlar að því að minnka noktun farsíma undir stýri. Verkefnið hlaut tvo lúðra á ÍMARK-hátíðinni 2025 og hefur reynst öflugt vopn í baráttunni gegn þessum banvæna ósið.

Nýjasti kaflinn fjallar um þá afsökun okkar að „vera bara aðeins“ að nota símann. Bara aðeins að skrifa skilaboð, bara aðeins að tékka á krökkunum, skoða stöðuna í leiknum, skipta um lag, skrolla TikTok, skoða tölvupóstinn og allt hitt. Í raun og veru er ekkert til sem heitir „bara aðeins“ því annað hvort erum við með athyglina við aksturinn eða ekki.

Verkið var unnið í nánu samstarfi við Svein Speight sem hefur fylgt skjáhættunni frá upphafi.