Borg í sveit

Mikil uppbygging er framundan í Grímsnes– og Grafningshreppi, en áformað er að reisa blómlega, lágreista íbúabyggð á Borg í Grímsnesi, ásamt hvers kyns verslun og þjónustu sem tilheyrir slíku samfélagi. Sveitarfélagið ákvað að ráðast í markaðsátak til að kynna fyrirætlanir sínar fyrir öllum sem vilja taka þátt í þessu nýja vaxtarskeiði svæðisins, hvort sem það eru framtíðaríbúar eða atvinnurekendur. Og þar komum við til sögunnar. Við höfum hannað og framleitt markaðsefni þvert á miðla til að segja fólki frá fyrirhugaðri uppbyggingu á þessum demanti við Gullna hringinn, þar sem dagurinn er stuttur en lífið langt.

Atli Þór Alfreðsson leikstýrði og ljósmyndaði, Anika Laufey Baldursdóttir annaðist leikmunina og Sigrún Ásta Jörgensen sá um búninga og förðun. Listræn stjórnun, hönnun, framleiðsla auglýsinga, vefhönnun o.fl. var í höndum okkar PiparTBWA.