Deloitte

Réttar tæknilausnir breyta leiknum

Endurskoðunar- og ráðgjafafyrirtækið Deloitte vildi vekja sérstaka athygli á tæknisviðinu sínu, sem veitir fyrirtækjum mikilvæga ráðgjöf og aðstoð við innleiðingu fjárhagskerfa og almenna tiltekt í stafrænum innviðum. Ósamræmd kerfi, úrelt tækni og flókið verklag geta oft skapað hindranir sem hægja á rekstrinum.

Í herferðinni, sem fór í gang kringum HM karla í knattspyrnu 2026, ákváðum við því að leika okkur með gamla og einfalda 8 bita tölvuleiki, sem eru jú vissulega börn síns tíma tæknilega séð, þótt sumir þeirra veki vissulega nostalgíu og hlýjar tilfinningar hjá mörgum. En skilaboðin eru einföld og skýr: „Rétt ráðgjöf og tæknilausnir geta breytt leiknum“.