Hjartað á réttum stað

Lyf & heilsa er alltaf með hjartað á réttum stað, enda í góðu sambandi við viðskiptavinina. Þá staðreynd vildum við draga fram þegar við uppfærðum útlitið á öllu markaðsefni fyrir Lyf & heilsu.
Við smíðuðum merki fyrirtækisins í fullorðinsstærð og stilltum upp í myndatöku þar sem gleði og heilbrigði voru í fyrirrúmi. Íris Dögg Einarsdóttir tók myndirnar og stílisti var Sigrún Ásta Jörgensen. Listræn stjórnun og hugmyndavinna var öll í okkar höndum.
Afraksturinn hefur birst á samfélagsmiðlum og útimiðlum, ásamt vef- og prentmiðlum landsins.