¡Hola!
og aftur ¡hola!

Holuáhugamaðurinn Nicolas er kominn aftur á stjá í nýrri herferð Colas. Að þessu sinni hefur einstakur holuáhugi Nicolasar leitt hann inn á braut listarinnar, því hann er orðinn götulistamaður. Hann þræðir götur landsins í leit að innblæstri og málar myndir, tekur þrykk, gerir skúlptúra, stendur fyrir gjörningi og yrkir ljóð um holurnar í vegunum.

Hann hefur sýnt frá listsköpun sinni og listaverkunum þvert á miðla undanfarið, blásið til ljóðasamkeppni meðal vegfarenda og hefur eitt og annað fleira á prjónunum á næstunni. Meira um það síðar, eins og skáldið sagði.