Skaginn 3X

skaginn3x.com

Skaginn 3X hannar og framleiðir fjölbreyttar hátæknilausnir fyrir vinnslukerfi fyrirtækja í matvælaiðnaði alls staðar í heiminum, með það fyrir augum að auka gæði og ferskleika matvöru og hámarka afköst og skilvirkni í framleiðsluferlinu.

Pipar\TBWA annaðist alla vefhönnun og vefsíðugerð fyrir vef Skagans 3X, ásamt því að sjá um alla gagnagrunnsvinnslu og forritunarvinnu sem liggur vefnum til grundvallar.

Bakendinn vefsins er stór og flókinn, því vöruframboð Skagans 3x er mikið og skiptist í marga vöruflokka. Allt þarf þetta að tengjast saman, því sumar lausnir er hægt að nota í mismunandi greinum og viðskiptavinurinn þarf að geta fundið vöruna sem hann leitar að hvort sem hann leitar eftir sínum geira eða virkni vörunnar. Þannig þurfa vörur Skagans 3X að vera aðgengilegar á mörgum stöðum á vefnum.

Hugað var að því að vefurinn væri notendavænn, aðgengilegur og fallegur. Við hönnuðum öll myndtákn vefsins sérstaklega fyrir Skagann 3X og sáum um öll textaskrif og textavinnslu á ensku.

skaginn3x.com